Distribui bateria backup iha Distritu Baucau no Lospalos
Iha loron kinta feira dia 21 Novembru 2019 oras tuku 7 dader, ekipa servisu husi Diresaun Nasional Infraestrutura no Komunikasaun (DNIK) distribui bateria backup ba Distritu Baucau no Lospalos. Ekipa servisu konsiste ema nain tolu: senhor Eugenio Sarmento, Senhor Paulo da costa no senhor Vasco Lopes. Hanesan ita hotu hatene katak problema eletrisidade sai perkupasaun sidadaun hotu iha Timor Leste laran tomak. Laos deit problema eletrisidade iha sidade capital maibe mos iha munisipiu sira. Tan ne’e, ho distribuisaun bateria backup idane’e, mais ou menus bele asegura ekipamentu etronik hanesan Switch, Router, Media Converter (MC) nebe halo ligasaun internet iha munisipiu sira. Total bateria nebe mak distribui ba munisipiu Baucau no Lospalos mak hamutuk walu (8). Husi total hirak ne’e, sei fahe ha’at (4) ba munisipiu Baucau no ha’at (4) bamunisipiu Lospalos. Alende halo distribuisaun bateria, ekipa DNIK mos halo observasaun ba ligasaun internet iha munisipiu Baucau no Lospalos. Iha munispiu Baucau ligasaun internet laodiak, so problema oit oan mak tekniku DNIK nebe aloka iha munisipiu baucau labele halao servisu hodiak tamba iha komputador rua (2) a’at tiha ona. Ho kondisaun ida ne’e, ekipa servisu DNIK deside lori komputador sira nebe a’at ne’e mai hadia iha departementu HelpDesk.
Iha Munisipiu Lospalos, depois distribui bateria backup iha sala Network Operation Center (NOC), ekipa servisu mos halo monitorizasaun no observasaun ba sistema ligasaun internet iha munisipiu refere. Husi observasaun iha edifisiu administrador hatudu katak sistema ligasaun internet lao funsiona normal tamba problema ho eletrisidade.