Iha loron 15 fulan Outubru tinan 2019 ekipa servisu Diresaun Nasional Infraestrutura no Komunikasaun (DNIK) liu husi departementu HelpDesk halao aktividade iha munisipiu Ainaro. Objetivu husi aktividade ida ne’e maka atu halo ligasaun foun ba kliente hamutuk sanulu (10) iha distritu refere. Aktividade servisu ne’e hahu husi tuku 10.00 no hetan suporta maksimu husi funsionariu sira atu bele hetan koneksaun internet ida nebe diak no lalais.Iha momentu ida ne’e mos funsionariu administrasaun Ainaro husu ba ekipa Diresaun Nasional Infraestrutura no Komunikasaun (DNIK) atu bele halo sosializasaun baligasaun internet Governu nian ba funsionariu tomak iha distritu. Atu nune’e, kliente sira bele komprende diak liu sistema rede internet governu no fasilita aksesu informasaun liu husi media online hanesan FreeBalance no seluk tan.Aktividade iha distritu Ainaro remata iha tuku 17.30 no ekipa DNIK sei kontinua halao servisu nebe hanesan iha Munisipiu Manufahi.
{jcomments on}